ಯಕ್ಷ ಸಾಧಕರು ೧೫೨

ಯಕ್ಷಸಿಂದು ಅನ್ವಿತ ಕೆರೆಕಾಡು

ಯಕ್ಷಗಾನ - ಇದೊಂದು ಗಂಡು ಕಲೆ. ಕರ್ನಾಟಕದ ಅತ್ಯಂತ ವಿಶಿಷ್ಠ ಕಲೆ. ದಕ್ಷಿಣ ಭಾರತದ ಅತ್ಯಂತ ಜನಪ್ರಿಯ ಕಲೆಗಳಲ್ಲಿ ಯಕ್ಷಗಾನ ಅತೀ ಪ್ರಮುಖವಾದದ್ದು. ನಮ್ಮ ಸಂಸ್ಕೃತಿ, ಆಚರಣೆ ಮತ್ತು ಸಂಪ್ರದಾಯವನ್ನು ಮೈವೆತ್ತಿರುವ ಯಕ್ಷಗಾನ ಕಲೆಯಲ್ಲಿ ಪ್ರಜ್ವಲಿಸುವ ಪ್ರತಿಭೆ  ಅನ್ವಿತ ಕೆರೆಕಾಡು.

ದಕ್ಷಿಣ ಕನ್ನಡ ಜಿಲ್ಲೆಯ ಮೂಲ್ಕಿಯ ಕೆರೇಕಾಡಿನ ಜಯಂತ್ ಅಮೀನ್ ಹಾಗೂ ಪ್ರೇಮಲತಾ ಇವರ ಮಗಳಾಗಿ ೧೯.೦೫.೨೦೦೦ ರಂದು ಜನನ. ಬಿಕಾಂ, CS (COMPANY SECRETARY) ಇವರ ವಿದ್ಯಾಭ್ಯಾಸ. ಅಣ್ಣ, ತಂದೆ, ತಾಯಿ ಹಾಗೂ ಯಕ್ಷಗಾನ  ಕಲೆಯ ಮೇಲೆ ಇದ್ದ ಒಲವು ಯಕ್ಷಗಾನ ರಂಗಕ್ಕೆ ಬರಲು ಪ್ರೇರಣೆ. ಪ್ರಸಾದ್ ಚೆ, ಅಜಿತ್ ಕೆರೆಕಾಡು ಇವರ ಯಕ್ಷಗಾನ ಗುರುಗಳು.




ಪ್ರಸಂಗದ ಪೂರ್ತಿ ಮಾಹಿತಿ ಹಾಗೂ ಕೊಟ್ಟ ಪಾತ್ರದ ಕುರಿತು ಸಂಪೂರ್ಣವಾಗಿ ತಿಳಿದು ಆ ಪಾತ್ರದ ವ್ಯಕ್ತಿತ್ವವನ್ನು ಅರಿತು ವ್ಯವಹರಿಸಿ ಪ್ರಸಂಗದ ಬಗ್ಗೆ ತಯಾರಿ ಮಾಡಿಕೊಳ್ಳುತ್ತೇನೆ ಎಂದು ಹೇಳುತ್ತಾರೆ ಅನ್ವಿತ.
ಅಭಿಮನ್ಯು ಕಾಳಗ, ದೇವಿ ಮಹಾತ್ಮೆ ಇವರ ನೆಚ್ಚಿನ ಪ್ರಸಂಗಗಳು. ಸುಭದ್ರೆ, ಬ್ರಹ್ಮ, ಸೀತೆ ಇವರ ನೆಚ್ಚಿನ ವೇಷಗಳು.

ಯಕ್ಷಗಾನದ ಇಂದಿನ ಸ್ಥಿತಿ ಗತಿ:-
ಯುವಜನರು ಇತ್ತೀಚೆಗೆ ಹೆಚ್ಚು ಯಕ್ಷಗಾನದ ಕುರಿತು ಒಲವು ತೋರಿಸುತ್ತಿರುವುದು ಖುಶಿಯ ವಿಷಯ,.  ಯಕ್ಷಗಾನ ಆರಾಧನಾ ಕಲೆ ಆಗಬೇಕೇ ಹೊರತು ಆಡಂಬರವಾಗಬಾರದು ಎಂದು ಹೇಳುತ್ತಾರೆ ಅನ್ವಿತ.

ಇವತ್ತಿನ ಯಕ್ಷಗಾನ ಪ್ರೇಕ್ಷಕರ ಬಗ್ಗೆ ಅಭಿಪ್ರಾಯ:- ಹೆಚ್ಚಿನ ಪ್ರೇಕ್ಷಕರು ಕಾಲಮಿತಿ ಯಕ್ಷಗಾನ ಪ್ರದರ್ಶನವನ್ನೂ ಹೆಚ್ಚು ಇಷ್ಟ ಪಡುತ್ತಿದ್ದಾರೆ, ಪ್ರೇಕ್ಷಕರು ಕಲೆಯ ಅಭಿಮಾನಿಗಳಾಗಬೇಕೆ ಹೊರತು ಕಲಾವಿದನ ಅಭಿಮಾನಿಯಲ್ಲ ಎಂದು ಹೇಳುತ್ತಾರೆ ಅನ್ವಿತ.

ಯಕ್ಷರಂಗದಲ್ಲಿ ನಿಮ್ಮ ಮುಂದಿನ ಯೋಜನೆ :-
ಯಕ್ಷಗಾನ ರಂಗದಲ್ಲಿ ಇನ್ನೂ ಹೆಚ್ಚಿನ ವಿಭಿನ್ನ ಪಾತ್ರವನ್ನು ವಹಿಸಬೇಕು , ಭಾಗವತಿಕೆಯಲ್ಲಿ ತೊಡಗಿಸಿಕೊಳ್ಳುವುದು.



ತೆಂಕು ಬಡಗು ಜೋಡಾಟದಲ್ಲಿ ಭಾಗವಹಿಸಿದ ಅನುಭವ, ಪ್ರಸಿದ್ಧ ಕಲಾವಿದರಾದ ಶಶಿಕಾಂತ ಶೆಟ್ಟಿ ಕಾರ್ಕಳ, ತೀರ್ಥಹಳ್ಳಿ ಗೋಪಾಲ್ ಆಚಾರ್ಯ, ದಿನೇಶ್ ಶೆಟ್ಟಿ ಕಾವಳಕಟ್ಟೆ, ಅವರೊಂದಿಗೆ ರಂಗ ಹಂಚಿಕೊಂಡ ಅನುಭವ ಯಾವತ್ತಿಗೂ ಒಂದು ಮರೆಯಲಾಗದ ಅನುಭವ ಎಂದು ಅನ್ವಿತ ಅವರು ಹೇಳುತ್ತಾರೆ.

೨೦೧೫ ರಲ್ಲಿ ಯಕ್ಷಸಿಂದು ಬಿರುದು , ೨೦೧೬ ರಲ್ಲಿ  ಉತ್ತಮ ಯಕ್ಷಗಾನ ಪಟು ಬಿರುದು , ೨೦೨೨ ರಲ್ಲಿ ತುಳು ಸಾಹಿತ್ಯ ಅಕಾಡೆಮಿ ವತಿಯಿಂದ ಕೊಡಲ್ಪಟ್ಟ ಯುವಸಾಧಕಿ ಪ್ರಶಸ್ತಿ ಹೀಗೆ ಹಲವು ಸಂಘ ಸಂಸ್ಥೆಗಳು ಇವರ ಸಾಧನೆಯನ್ನು ಗುರುತಿಸಿದೆ.
ನೃತ್ಯ, ಕಾರ್ಯಕ್ರಮ ನಿರೂಪಣೆ, ಭಾಗವತಿಕೆ, ಸಂಗೀತ ಇವರ ಹವ್ಯಾಸಗಳು.

ಇವರಿಗೆ ಇವರು ನಂಬಿರುವ ಕಲಾಮಾತೆ ಹಾಗೂ ಕಟೀಲು ಶ್ರೀ ಭ್ರಮರಾಂಬೆ ಕಲೆಯಲ್ಲಿ ಇನ್ನಷ್ಟು ಸಾಧಿಸುವ ಶಕ್ತಿಯನ್ನು‌ ಕರುಣಿಸಲಿ, ಅವರಿಗೆ ಶುಭವನ್ನು ಕರುಣಿಸಲಿ ಎಂದು ಬೇಡುತ್ತಿದ್ದೇವೆ ಹಾಗೂ ಕಲಾಮಾತೆಯು ಸಕಲ ಭಾಗ್ಯಗಳನ್ನೂ ಅನುಗ್ರಹಿಸಲಿ ಎಂದು ಕಲಾಭಿಮಾನಿಗಳೆಲ್ಲರ ಪರವಾಗಿ ಹಾರೈಕೆಗಳು.

📝
ಶ್ರವಣ್ ಕಾರಂತ್ ಕೆ
ಸುಪ್ರಭಾತ
ಶಕ್ತಿನಗರ ಮಂಗಳೂರು.
☎️ :- +91 8971275651

Comments

Post a Comment

Popular posts from this blog

ಯಕ್ಷ ಸಾಧಕರು 355

Image
"ಯಕ್ಷ ಕಲಾದೀಪ್ತ" ಸಣ್ಣ ವಯಸ್ಸಿನಿಂದಲೂ ಯಕ್ಷಗಾನ ಎಂದರೆ ಪ್ರಾಣ. ಇವರ ತಂದೆಯವರ ಆಶಯದಂತೆ ತೀರ್ಥಹಳ್ಳಿ ಗೋಪಾಲ ಆಚಾರ್ಯರಂತಹ ಮೇರು ಕಲಾವಿದರಾಗಬೇಕೆಂಬ ಪ್ರೇರಣೆಯೊಂದಿಗೆ ಚಿಕ್ಕ ವಯಸ್ಸಿನಿಂದಲೂ ತೀರ್ಥಹಳ್ಳಿ ಗೋಪಾಲ ಆಚಾರ್ಯರನ್ನು ಅನುಸರಣೆ ಮಾಡಿಕೊಂಡು ಬಂದಿರುವ ಯುವ ಕಲಾವಿದ ದೀಪ್ತ ಆಚಾರ್ಯ ಕಿದಿಯೂರು. ಉಡುಪಿ ಜಿಲ್ಲೆಯ ಕಿದಿಯೂರಿನ ಕೆ.ಜೆ.ಗಣೇಶ್ ಆಚಾರ್ಯ ಹಾಗೂ ಜಿ.ವಸಂತಿ ಆಚಾರ್ಯ ಇವರ ಮಗನಾಗಿ 29.12.2003 ರಂದು ಜನನ. ಪ್ರಸ್ತುತ ನಿಟ್ಟೆ ಕಾಲೇಜಿನಲ್ಲಿ MBA ವ್ಯಾಸಂಗ ಮಾಡುತ್ತಿದ್ದಾರೆ. ಯಕ್ಷಗಾನ ಗುರುಗಳು:- ♦️ ಕೆ.ಜೆ.ಗಣೇಶ್, ♦️ ಕೆ.ಜೆ.ಕೃಷ್ಣ, ♦️ ಕೆ.ಜೆ.ಸುಧೀಂದ್ರ. ನೆಚ್ಚಿನ ಪ್ರಸಂಗಗಳು:- ರತ್ನಾವತಿ ಕಲ್ಯಾಣ, ಅಭಿಮನ್ಯು ಕಾಳಗ, ಬಬ್ರುವಾಹನ ಕಾಳಗ, ಜಾಂಬವತಿ ಕಲ್ಯಾಣ, ಚಕ್ರ ಚಂಡಿಕೆ, ಸುದರ್ಶನ ವಿಜಯ, ಶ್ರೀದೇವಿ ಮಹಾತ್ಮೆ. ನೆಚ್ಚಿನ ವೇಷಗಳು:- ಅಭಿಮನ್ಯು, ಬಬ್ರುವಾಹನ, ಭಸ್ಮಾಸುರ, ಬರ್ಭರೀಕ, ಭಾರ್ಗವರಾಮ. ನೆಚ್ಚಿನ ಭಾಗವತರು:- ರಸರಾಗ ಚಕ್ರವರ್ತಿ ದಿ. ಕಾಳಿಂಗ ನಾವುಡರು, ನನ್ನ ತಂದೆಯವರು, ಜನ್ಸಾಲೆ ರಾಘವೇಂದ್ರ ಆಚಾರ್ಯ, ಹೆರೆಂಜಾಲು ಗೋಪಾಲ ಗಾಣಿಗರು, ದಿ.ನಗರ ಸುಬ್ರಹ್ಮಣ್ಯ ಆಚಾರ್ಯ, ಪದ್ಯಾಣ ಗಣಪತಿ ಭಟ್, ಪಟ್ಲ ಸತೀಶ್ ಶೆಟ್ಟಿ, ರವಿಚಂದ್ರ ಕನ್ನಡಿಕಟ್ಟೆ. ರಂಗಕ್ಕೆ ಹೋಗುವ ಮೊದಲು ಪ್ರಸಂಗದ ಬಗ್ಗೆ ಯಾವ ರೀತಿಯ ತಯಾರಿ ಮಾಡಿಕೊಳ್ಳುತ್ತೀರಿ:- ವೇಷಧಾರಿಯಾಗಿ ...
Read more

ಯಕ್ಷ ಸಾಧಕರು 380

Image
"ಯಕ್ಷ ಕನ್ನಿಕೆ" ತಂದೆಯೇ ಇವರ ಯಕ್ಷ ಪಯಣಕ್ಕೆ ಪ್ರೇರಣೆ. ಜೊತೆಗೆ ಚಿಕ್ಕ ವಯಸ್ಸಿನಲ್ಲಿ ತಂದೆಯೊಂದಿಗೆ ಯಕ್ಷಗಾನ ನೋಡಲು ಹೋಗುತ್ತಿದ್ದಾಗ ಅವರಿಗೆ ಆಗುತ್ತಿದ್ದ ಅನುಭವವೂ ಇವರು ಯಕ್ಷಗಾನ ಕಲಿಯಲು ಪ್ರೇರಣೆ. ಅಜ್ಜಿ ಹೇಳುತ್ತಿದ್ದ ಪುರಾಣ ಕಥೆಗಳು ಕಣ್ಣ ಮುಂದೆ ನಡೆಯುತ್ತಿದೆಯೋ ಎನ್ನುವ ಅನುಭವ. ಕುಣಿತದ ಜ್ಞಾನ ಇಲ್ಲದಿದ್ದರೂ ಸರಳವಾದ ಮಾತು ಹಾಗೂ ಅಭಿನಯಗಳಿಂದ ಯಕ್ಷಗಾನ ಬೀರಿದ ಪರಿಣಾಮವೂ ಮುಂದೆ ಯಕ್ಷಗಾನದಲ್ಲಿ ಕಲಿಯುವ ಹುಮ್ಮಸ್ಸು ಮೂಡಿಸಿತು. ದಕ್ಷಿಣ ಕನ್ನಡ ಜಿಲ್ಲೆಯ ಮಂಗಳೂರಿನ ಉಳ್ಳಾಲ ತಾಲೂಕಿನ ಮುನ್ನೂರು ಗ್ರಾಮದ ಪ್ರಸ್ತುತ ಉಡುಪಿಯಲ್ಲಿ ನೆಲೆಸಿರುವ ನಿರಂಜನ್ ಭಟ್ ಮುನ್ನೂರು ಹಾಗೂ ಶ್ರೀಮತಿ ಸುಜಾತಾ ಬಿ ಇವರ ಮಗಳಾಗಿ 21.05.1995ರಂದು ಆದ್ಯತಾ ಎನ್ ಭಟ್ ಅವರ ಜನನ. ನಿಟ್ಟೆಯ NMAM Institute Of Technology ವಿಶ್ವವಿದ್ಯಾಲಯದಿಂದ B.E ಪದವಿ ಪಡೆದು ಪ್ರಸ್ತುತ  "Cornerstone OnDemand" ಕಂಪೆನಿಯಲ್ಲಿ Senior Software Engineer ಆಗಿ ಉದ್ಯೋಗ ಮಾಡುತ್ತಿದ್ದಾರೆ. ಯಕ್ಷಗಾನ ಗುರುಗಳು:- ತೆಂಕುತಿಟ್ಟಿನ ಗುರುಗಳು:- ತಂದೆ ನಿರಂಜನ್ ಭಟ್, ಬಾಯಾರು ಸೂರ್ಯನಾರಾಯಣ ಪದಕಣ್ಣಾಯ, ಪ್ರಸ್ತುತ ರಾಕೇಶ್ ರೈ ಅಡ್ಕ. ತೆಂಕುತಿಟ್ಟಿನ ಭಾಗವತಿಕೆ:- ರಾಮ್ ಪ್ರಕಾಶ್ ಕಲ್ಲೂರಾಯ ತೆಂಕುತಿಟ್ಟಿನ ಚೆಂಡೆ:- ಕಟೀಲು ಮುರಳೀಧರ ಭಟ್ ...
Read more

ಯಕ್ಷ ಸಾಧಕರು 395

Image
"ಯಕ್ಷ ವೈಷ್ಣವಿ" ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರು ಇವರ ಹುಟ್ಟೂರು, ಪ್ರಸ್ತುತ  ಮಂಗಳೂರಿನ ಬಜಪೆಯಲ್ಲಿ ವಾಸ. ವೃತ್ತಿಯಲ್ಲಿ ಇವರು ಸಮುದಾಯ ಆರೋಗ್ಯ ಕೇಂದ್ರ, ಮೂಡಬಿದ್ರೆಯಲ್ಲಿ ವೈದ್ಯಾಧಿಕಾರಿ ಪ್ರವೃತ್ತಿಯಲ್ಲಿ ಯಕ್ಷಗಾನ ಕಲಾವಿದೆ. ಶ್ರೀ ರಾಜೇಶ್ ಐ ಕಟೀಲು (ಗುರುಗಳು) ಹಾಗೂ ಶ್ರೀಮತಿ ಲೀಲಾವತಿ ಬೈಪಾಡಿತ್ತಾಯ (ಭಾಗವತಿಕೆ) ಇವರ ಯಕ್ಷಗಾನ ಗುರುಗಳು. ಡಾ. ನರೇಶ್ ರಾವ್ ಬಜ್ಪೆ ಹಾಗೂ ಉಷಾ ಎನ್ ರಾವ್ ಇವರ ಮಗಳಾಗಿ 10.05.2002ರಂದು ಡಾ.ಬಿ ವೈಷ್ಣವಿ ರಾವ್ ಜನನ. ಬಿ ವೈಭವಿ ರಾವ್ (2nd year BAMS, SDM Udyavara) ಇವರ ತಂಗಿಯೂ ಯಕ್ಷಗಾನ ಕಲಾವಿದೆ. ಬಾಲ್ಯದಲ್ಲಿ ಯಕ್ಷಗಾನವನ್ನೇ ನೋಡಿ ಯಕ್ಷಗಾನದ ಮೇಲಿನ ಒಲವು ಹೆಚ್ಚಾಯಿತು. ಬೇಸಿಗೆ ರಜೆಯಲ್ಲಿ ಬೆಳಿಗ್ಗೆ ಯಕ್ಷಗಾನ ಕ್ಯಾಸ್ಸೇಟ್ಟ್ ಗಳನ್ನು ಹಾಕಿದರೆ ಇಡೀ ದಿನ ಅದನ್ನೇ ನೋಡಿ ಬೇಸಿಗೆ ರಜೆಯನ್ನು ಕಳೆಯುತ್ತಿದ್ದೆ. ಮೇಳ ಹೊರಟ ಮೇಲೆ ಅಪ್ಪನೊಂದಿಗೆ ಎಲ್ಲ ಯಕ್ಷಗಾನ ಬಯಲಾಟಕ್ಕೆ ಹೋಗ್ತಿದ್ದೆ. ನನ್ನ ಪಿಜ್ಜಿ ಹರಿಕಥಾ ವಿದುಷಿ, ಹಾಗಾಗಿ ಅಮ್ಮನಿಗೂ ಅವ್ರು ಹೇಳಿದ ಪುರಾಣ ಕಥೆಗಳನ್ನು ನನಗೆ ಹೇಳುವುದು, ಹೊಸ ಕಥೆಗಳನ್ನೂ ಓದುವುದು ಅಚ್ಚು ಮೆಚ್ಚು. ಇದೆಲ್ಲವು ನನ್ನನ್ನು ಯಕ್ಷಗಾನ ಕಲೆಯತ್ತ ಸೆಳೆಯಿತು ಎಂದು ಹೇಳುತ್ತಾರೆ ವೈಷ್ಣವಿ. ನೆಚ್ಚಿನ ಪ್ರಸಂಗಗಳು:- ಶ್ರೀ ದೇವೀಮಹಾತ್ಮೆ, ಶ್ರೀ ರಾಮ ನಿರ್ಯಾಣ, ಶ್ರೀ ರಾಮ ಪಟ್ಟಾಭಿಶೇಕ, ಉತ್ತರನ ಪೌ...
Read more