ಯಕ್ಷ ಸಾಧಕರು ೧೭೨

ಕಲ್ಕೂರ ಯುವ ಪ್ರಶಸ್ತಿ, ಜ್ಞಾನಶ್ರೀ ರಾಜ್ಯ ಪ್ರಶಸ್ತಿ ಪುರಸ್ಕೃತೆ ಕಲಾವಿದೆ ಅಶ್ವಿನಿ ವಿ ಭಟ್.

೦೫.೦೫.೧೯೯೭ ರಂದು ವಿನಯ ಆಚಾರ್ಯ ಹಾಗೂ ಸುಮ ಆಚಾರ್ಯ ಇವರ ಮಗಳಾಗಿ ಅಶ್ವಿನಿ ವಿ ಭಟ್ ಅವರ ಜನನ. MSC chemistry, B.Ed ಇವರ ವಿದ್ಯಾಭ್ಯಾಸ. ತಂದೆ ವಿನಯ ಆಚಾರ್ಯ ಹಾಗೂ ಮನೆಯವರಲ್ಲಿದ್ದ ಯಕ್ಷಗಾನದ ಮೇಲಿನ ಒಲವು ಅಶ್ವಿನಿಯವರು ಯಕ್ಷಗಾನ ರಂಗಕ್ಕೆ ಬರಲು ಪ್ರೇರಣೆಯಾಯಿತು. ಪೂರ್ಣಿಮಾ ಯತೀಶ್ ರೈ ಹಾಗೂ ರಮೇಶ್ ಶೆಟ್ಟಿ ಬಾಯಾರು ಇವರ ಯಕ್ಷಗಾನದ ಗುರುಗಳು.






ರಂಗಕ್ಕೆ ಹೋಗುವ ಮೊದಲು ಪ್ರಸಂಗದ ಬಗ್ಗೆ ಯಾವ ರೀತಿಯ ತಯಾರಿ ಮಾಡಿಕೊಳ್ಳುತ್ತೀರಿ:-
ಭಾಗವತರಲ್ಲಿ ಪ್ರಸಂಗ ನಡೆ ಬಗ್ಗೆ ತಿಳಿದು, ಪದ್ಯಗಳನ್ನು ನೋಡಿಕೊಂಡು ಬಳಿಕ ಸಹ ಕಲಾವಿದರಲ್ಲಿ ಪೂರ್ವಭಾವಿ ಚರ್ಚೆ ಮಾಡಿ ತಯಾರಿ ಮಾಡಿಕೊಳ್ತೇನೆ ಎಂದು ಅಶ್ವಿನಿ ಅವರು ಹೇಳುತ್ತಾರೆ.

ಸುಧನ್ವ ಮೋಕ್ಷ, ದಕ್ಷಾಧ್ವರ, ಜಾಂಬವತಿ  ಕಲ್ಯಾಣ, ಸುದರ್ಶನ ಗರ್ವ ಭಂಗ, ದೇವಿ ಮಹಾತ್ಮೆ, ಕನಕಾಂಗಿ ಕಲ್ಯಾಣ ಇತ್ಯಾದಿ ಇವರ ನೆಚ್ಚಿನ ಪ್ರಸಂಗಗಳು.
ದಾಕ್ಷಾಯಿಣಿ, ಸುಧನ್ವ, ಕೃಷ್ಣ, ಲಕ್ಷ್ಮೀ, ಸುಭದ್ರೆ ಇತ್ಯಾದಿ ಇವರ ನೆಚ್ಚಿನ ವೇಷಗಳು.

ಶ್ರೀ ಮಹಾ ಗಣಪತಿ ಮಹಿಳಾ ಮತ್ತು ಮಕ್ಕಳ ಯಕ್ಷಗಾನ ಮಂಡಳಿ ಕಾಟಿಪಳ್ಳ, ಕದಳಿ ಕಲಾ ಕೇಂದ್ರ ಕದ್ರಿ, ದುರ್ಗಾಂಬ ಮಹಿಳಾ ಮಂಡಳಿ ತಡಂಬೈಲು ಇತ್ಯಾದಿ ಮೇಳದಲ್ಲಿ ತಿರುಗಾಟ ಮಾಡಿದ ಅನುಭವ ಅಶ್ವಿನಿರವರಿಗೆ ಇದೆ.





ಯಕ್ಷಗಾನದ ಇಂದಿನ ಸ್ಥಿತಿ ಗತಿ:-
ಯಕ್ಷಗಾನಕ್ಕೆ ಯುವ ಸಮುದಾಯ ಆಸಕ್ತಿ ತೋರಿಸುತ್ತಿರುವುದು ಒಳ್ಳೆಯ ಬೆಳವಣಿಗೆ. ಆದರೆ ಸಿನಿಮಾ ಪದ್ಯಕ್ಕೆ ಯಕ್ಷಗಾನ ನಾಟ್ಯ ಮಾಡುವಂತದ್ದು  ನಿಂತಲ್ಲಿ ಉತ್ತಮ ಎಂದು ಹೇಳುತ್ತಾರೆ ಅಶ್ವಿನಿ.

ಇವತ್ತಿನ ಯಕ್ಷಗಾನ ಪ್ರೇಕ್ಷಕರ ಬಗ್ಗೆ ಅಭಿಪ್ರಾಯ:-
ಸದಭಿರುಚಿಯ ಪ್ರೇಕ್ಷಕರು ಹೆಚ್ಚಾಗುತ್ತಿರುವುದು ಖುಷಿಯ ವಿಚಾರ. ಕಾಲಮಿತಿ ಯಕ್ಷಗಾನಕ್ಕೆ ಈಗಿನ ಪ್ರೇಕ್ಷಕರು ಹೆಚ್ಚಿನ ಒಲವು ತೋರಿಸುತ್ತಾ ಇದ್ದಾರೆ.

ಯಕ್ಷರಂಗದಲ್ಲಿ ನಿಮ್ಮ ಮುಂದಿನ ಯೋಜನೆ :-
ಇನ್ನಷ್ಟು ಹೆಚ್ಚು ಯಕ್ಷಗಾನದಲ್ಲಿ ತೊಡಗಿಸಿಕೊಳ್ಳಬೇಕು, ಬೇರೆ ಬೇರೆ ರೀತಿಯ ಪಾತ್ರ ನಿರ್ವಹಿಸಬೇಕು ಎಂದು ಹೇಳುತ್ತಾರೆ ಅಶ್ವಿನಿ.




ಕಲ್ಕೂರ ಪ್ರತಿಷ್ಠಾನದಿಂದ ಕಲ್ಕೂರ ಯುವ ಪ್ರಶಸ್ತಿ, ಜ್ಞಾನಶ್ರೀ ರಾಜ್ಯ ಪ್ರಶಸ್ತಿ, ದಕ್ಷಿಣ ಕನ್ನಡ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ಮಂಗಳೂರು ತಾಲೂಕು ಘಟಕದ ಸನ್ಮಾನ, ಯಕ್ಷಾರಾಧನ ಕಲಾ ಕೇಂದ್ರ ಉರ್ವ ಇವರಿಂದ ಯಕ್ಷಕಲಾ ಪುರಸ್ಕಾರ, ಅಜೆಕಾರು ಕಲಾಭಿಮಾನಿ ಬಳಗ ಮುಂಬಯಿ ಇವರಿಂದ ಸನ್ಮಾನ, ಯಕ್ಷಗಾನ ಸ್ಪರ್ಧೆಯಲ್ಲಿ ಯಕ್ಷ ಪ್ರತಿಭೆ ಪುರಸ್ಕಾರ ಹೀಗೆ ಹಲವು ಸನ್ಮಾನ ಹಾಗೂ ಪ್ರಶಸ್ತಿ ಇವರಿಗೆ  ದೊರೆತಿರುತ್ತದೆ.
ಯಕ್ಷಗಾನ, ತಾಳಮದ್ದಳೆ, ಹರಿಕಥೆ, ಕಾರ್ಯಕ್ರಮ ನಿರೂಪಣೆ, ಭರತನಾಟ್ಯ ಇವರ ಹವ್ಯಾಸಗಳು.

ಅಶ್ವಿನಿ ಅವರು ಶ್ರೀವತ್ಸ ಕೆ.ರ್ ಇವರನ್ನು ೧೧.೧೧.೨೦೨೧ ರಂದು ಮದುವೆಯಾಗಿ ಸುಖಿ ಸಂಸಾರವನ್ನು ನಡೆಸುತ್ತಿದ್ದಾರೆ.


ಇವರಿಗೆ ಇವರು ನಂಬಿರುವ ಕಲಾಮಾತೆ ಹಾಗೂ ಕಟೀಲು ಶ್ರೀ ಭ್ರಮರಾಂಬೆ ಕಲೆಯಲ್ಲಿ ಇನ್ನಷ್ಟು ಸಾಧಿಸುವ ಶಕ್ತಿಯನ್ನು‌ ಕರುಣಿಸಲಿ, ಅವರಿಗೆ ಶುಭವನ್ನು ಕರುಣಿಸಲಿ ಎಂದು ಬೇಡುತ್ತಿದ್ದೇವೆ ಹಾಗೂ ಕಲಾಮಾತೆಯು ಸಕಲ ಭಾಗ್ಯಗಳನ್ನೂ ಅನುಗ್ರಹಿಸಲಿ ಎಂದು ಕಲಾಭಿಮಾನಿಗಳೆಲ್ಲರ ಪರವಾಗಿ ಹಾರೈಕೆಗಳು.

📝
ಶ್ರವಣ್ ಕಾರಂತ್ ಕೆ
ಸುಪ್ರಭಾತ
ಶಕ್ತಿನಗರ ಮಂಗಳೂರು.
☎️ :- +91 8971275651

Comments

Post a Comment

Popular posts from this blog

ಯಕ್ಷ ಸಾಧಕರು 355

Image
"ಯಕ್ಷ ಕಲಾದೀಪ್ತ" ಸಣ್ಣ ವಯಸ್ಸಿನಿಂದಲೂ ಯಕ್ಷಗಾನ ಎಂದರೆ ಪ್ರಾಣ. ಇವರ ತಂದೆಯವರ ಆಶಯದಂತೆ ತೀರ್ಥಹಳ್ಳಿ ಗೋಪಾಲ ಆಚಾರ್ಯರಂತಹ ಮೇರು ಕಲಾವಿದರಾಗಬೇಕೆಂಬ ಪ್ರೇರಣೆಯೊಂದಿಗೆ ಚಿಕ್ಕ ವಯಸ್ಸಿನಿಂದಲೂ ತೀರ್ಥಹಳ್ಳಿ ಗೋಪಾಲ ಆಚಾರ್ಯರನ್ನು ಅನುಸರಣೆ ಮಾಡಿಕೊಂಡು ಬಂದಿರುವ ಯುವ ಕಲಾವಿದ ದೀಪ್ತ ಆಚಾರ್ಯ ಕಿದಿಯೂರು. ಉಡುಪಿ ಜಿಲ್ಲೆಯ ಕಿದಿಯೂರಿನ ಕೆ.ಜೆ.ಗಣೇಶ್ ಆಚಾರ್ಯ ಹಾಗೂ ಜಿ.ವಸಂತಿ ಆಚಾರ್ಯ ಇವರ ಮಗನಾಗಿ 29.12.2003 ರಂದು ಜನನ. ಪ್ರಸ್ತುತ ನಿಟ್ಟೆ ಕಾಲೇಜಿನಲ್ಲಿ MBA ವ್ಯಾಸಂಗ ಮಾಡುತ್ತಿದ್ದಾರೆ. ಯಕ್ಷಗಾನ ಗುರುಗಳು:- ♦️ ಕೆ.ಜೆ.ಗಣೇಶ್, ♦️ ಕೆ.ಜೆ.ಕೃಷ್ಣ, ♦️ ಕೆ.ಜೆ.ಸುಧೀಂದ್ರ. ನೆಚ್ಚಿನ ಪ್ರಸಂಗಗಳು:- ರತ್ನಾವತಿ ಕಲ್ಯಾಣ, ಅಭಿಮನ್ಯು ಕಾಳಗ, ಬಬ್ರುವಾಹನ ಕಾಳಗ, ಜಾಂಬವತಿ ಕಲ್ಯಾಣ, ಚಕ್ರ ಚಂಡಿಕೆ, ಸುದರ್ಶನ ವಿಜಯ, ಶ್ರೀದೇವಿ ಮಹಾತ್ಮೆ. ನೆಚ್ಚಿನ ವೇಷಗಳು:- ಅಭಿಮನ್ಯು, ಬಬ್ರುವಾಹನ, ಭಸ್ಮಾಸುರ, ಬರ್ಭರೀಕ, ಭಾರ್ಗವರಾಮ. ನೆಚ್ಚಿನ ಭಾಗವತರು:- ರಸರಾಗ ಚಕ್ರವರ್ತಿ ದಿ. ಕಾಳಿಂಗ ನಾವುಡರು, ನನ್ನ ತಂದೆಯವರು, ಜನ್ಸಾಲೆ ರಾಘವೇಂದ್ರ ಆಚಾರ್ಯ, ಹೆರೆಂಜಾಲು ಗೋಪಾಲ ಗಾಣಿಗರು, ದಿ.ನಗರ ಸುಬ್ರಹ್ಮಣ್ಯ ಆಚಾರ್ಯ, ಪದ್ಯಾಣ ಗಣಪತಿ ಭಟ್, ಪಟ್ಲ ಸತೀಶ್ ಶೆಟ್ಟಿ, ರವಿಚಂದ್ರ ಕನ್ನಡಿಕಟ್ಟೆ. ರಂಗಕ್ಕೆ ಹೋಗುವ ಮೊದಲು ಪ್ರಸಂಗದ ಬಗ್ಗೆ ಯಾವ ರೀತಿಯ ತಯಾರಿ ಮಾಡಿಕೊಳ್ಳುತ್ತೀರಿ:- ವೇಷಧಾರಿಯಾಗಿ ...
Read more

ಯಕ್ಷ ಸಾಧಕರು 380

Image
"ಯಕ್ಷ ಕನ್ನಿಕೆ" ತಂದೆಯೇ ಇವರ ಯಕ್ಷ ಪಯಣಕ್ಕೆ ಪ್ರೇರಣೆ. ಜೊತೆಗೆ ಚಿಕ್ಕ ವಯಸ್ಸಿನಲ್ಲಿ ತಂದೆಯೊಂದಿಗೆ ಯಕ್ಷಗಾನ ನೋಡಲು ಹೋಗುತ್ತಿದ್ದಾಗ ಅವರಿಗೆ ಆಗುತ್ತಿದ್ದ ಅನುಭವವೂ ಇವರು ಯಕ್ಷಗಾನ ಕಲಿಯಲು ಪ್ರೇರಣೆ. ಅಜ್ಜಿ ಹೇಳುತ್ತಿದ್ದ ಪುರಾಣ ಕಥೆಗಳು ಕಣ್ಣ ಮುಂದೆ ನಡೆಯುತ್ತಿದೆಯೋ ಎನ್ನುವ ಅನುಭವ. ಕುಣಿತದ ಜ್ಞಾನ ಇಲ್ಲದಿದ್ದರೂ ಸರಳವಾದ ಮಾತು ಹಾಗೂ ಅಭಿನಯಗಳಿಂದ ಯಕ್ಷಗಾನ ಬೀರಿದ ಪರಿಣಾಮವೂ ಮುಂದೆ ಯಕ್ಷಗಾನದಲ್ಲಿ ಕಲಿಯುವ ಹುಮ್ಮಸ್ಸು ಮೂಡಿಸಿತು. ದಕ್ಷಿಣ ಕನ್ನಡ ಜಿಲ್ಲೆಯ ಮಂಗಳೂರಿನ ಉಳ್ಳಾಲ ತಾಲೂಕಿನ ಮುನ್ನೂರು ಗ್ರಾಮದ ಪ್ರಸ್ತುತ ಉಡುಪಿಯಲ್ಲಿ ನೆಲೆಸಿರುವ ನಿರಂಜನ್ ಭಟ್ ಮುನ್ನೂರು ಹಾಗೂ ಶ್ರೀಮತಿ ಸುಜಾತಾ ಬಿ ಇವರ ಮಗಳಾಗಿ 21.05.1995ರಂದು ಆದ್ಯತಾ ಎನ್ ಭಟ್ ಅವರ ಜನನ. ನಿಟ್ಟೆಯ NMAM Institute Of Technology ವಿಶ್ವವಿದ್ಯಾಲಯದಿಂದ B.E ಪದವಿ ಪಡೆದು ಪ್ರಸ್ತುತ  "Cornerstone OnDemand" ಕಂಪೆನಿಯಲ್ಲಿ Senior Software Engineer ಆಗಿ ಉದ್ಯೋಗ ಮಾಡುತ್ತಿದ್ದಾರೆ. ಯಕ್ಷಗಾನ ಗುರುಗಳು:- ತೆಂಕುತಿಟ್ಟಿನ ಗುರುಗಳು:- ತಂದೆ ನಿರಂಜನ್ ಭಟ್, ಬಾಯಾರು ಸೂರ್ಯನಾರಾಯಣ ಪದಕಣ್ಣಾಯ, ಪ್ರಸ್ತುತ ರಾಕೇಶ್ ರೈ ಅಡ್ಕ. ತೆಂಕುತಿಟ್ಟಿನ ಭಾಗವತಿಕೆ:- ರಾಮ್ ಪ್ರಕಾಶ್ ಕಲ್ಲೂರಾಯ ತೆಂಕುತಿಟ್ಟಿನ ಚೆಂಡೆ:- ಕಟೀಲು ಮುರಳೀಧರ ಭಟ್ ...
Read more

ಯಕ್ಷ ಸಾಧಕರು 395

Image
"ಯಕ್ಷ ವೈಷ್ಣವಿ" ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರು ಇವರ ಹುಟ್ಟೂರು, ಪ್ರಸ್ತುತ  ಮಂಗಳೂರಿನ ಬಜಪೆಯಲ್ಲಿ ವಾಸ. ವೃತ್ತಿಯಲ್ಲಿ ಇವರು ಸಮುದಾಯ ಆರೋಗ್ಯ ಕೇಂದ್ರ, ಮೂಡಬಿದ್ರೆಯಲ್ಲಿ ವೈದ್ಯಾಧಿಕಾರಿ ಪ್ರವೃತ್ತಿಯಲ್ಲಿ ಯಕ್ಷಗಾನ ಕಲಾವಿದೆ. ಶ್ರೀ ರಾಜೇಶ್ ಐ ಕಟೀಲು (ಗುರುಗಳು) ಹಾಗೂ ಶ್ರೀಮತಿ ಲೀಲಾವತಿ ಬೈಪಾಡಿತ್ತಾಯ (ಭಾಗವತಿಕೆ) ಇವರ ಯಕ್ಷಗಾನ ಗುರುಗಳು. ಡಾ. ನರೇಶ್ ರಾವ್ ಬಜ್ಪೆ ಹಾಗೂ ಉಷಾ ಎನ್ ರಾವ್ ಇವರ ಮಗಳಾಗಿ 10.05.2002ರಂದು ಡಾ.ಬಿ ವೈಷ್ಣವಿ ರಾವ್ ಜನನ. ಬಿ ವೈಭವಿ ರಾವ್ (2nd year BAMS, SDM Udyavara) ಇವರ ತಂಗಿಯೂ ಯಕ್ಷಗಾನ ಕಲಾವಿದೆ. ಬಾಲ್ಯದಲ್ಲಿ ಯಕ್ಷಗಾನವನ್ನೇ ನೋಡಿ ಯಕ್ಷಗಾನದ ಮೇಲಿನ ಒಲವು ಹೆಚ್ಚಾಯಿತು. ಬೇಸಿಗೆ ರಜೆಯಲ್ಲಿ ಬೆಳಿಗ್ಗೆ ಯಕ್ಷಗಾನ ಕ್ಯಾಸ್ಸೇಟ್ಟ್ ಗಳನ್ನು ಹಾಕಿದರೆ ಇಡೀ ದಿನ ಅದನ್ನೇ ನೋಡಿ ಬೇಸಿಗೆ ರಜೆಯನ್ನು ಕಳೆಯುತ್ತಿದ್ದೆ. ಮೇಳ ಹೊರಟ ಮೇಲೆ ಅಪ್ಪನೊಂದಿಗೆ ಎಲ್ಲ ಯಕ್ಷಗಾನ ಬಯಲಾಟಕ್ಕೆ ಹೋಗ್ತಿದ್ದೆ. ನನ್ನ ಪಿಜ್ಜಿ ಹರಿಕಥಾ ವಿದುಷಿ, ಹಾಗಾಗಿ ಅಮ್ಮನಿಗೂ ಅವ್ರು ಹೇಳಿದ ಪುರಾಣ ಕಥೆಗಳನ್ನು ನನಗೆ ಹೇಳುವುದು, ಹೊಸ ಕಥೆಗಳನ್ನೂ ಓದುವುದು ಅಚ್ಚು ಮೆಚ್ಚು. ಇದೆಲ್ಲವು ನನ್ನನ್ನು ಯಕ್ಷಗಾನ ಕಲೆಯತ್ತ ಸೆಳೆಯಿತು ಎಂದು ಹೇಳುತ್ತಾರೆ ವೈಷ್ಣವಿ. ನೆಚ್ಚಿನ ಪ್ರಸಂಗಗಳು:- ಶ್ರೀ ದೇವೀಮಹಾತ್ಮೆ, ಶ್ರೀ ರಾಮ ನಿರ್ಯಾಣ, ಶ್ರೀ ರಾಮ ಪಟ್ಟಾಭಿಶೇಕ, ಉತ್ತರನ ಪೌ...
Read more