ಯಕ್ಷ ಸಾಧಕರು 260

"ಯಕ್ಷ ಪವನ"

ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರಿನ ಪಾಣಾಜೆಯ ಜಯರಾಮ್ ರೈ ಹಾಗೂ ಬೇಬಿ ರೈ ಇವರ ಮಗನಾಗಿ 28.01.1997ರಂದು ಪವನ್ ರೈ ಅವರ ಜನನ. BBM ಇವರ ವಿದ್ಯಾಭ್ಯಾಸ.
ತೆಂಕಬೈಲು ತಿರುಮಲೇಶ್ವರ ಶಾಸ್ತ್ರಿಗಳು, ಗೋವಿಂದ ನಾಯಕ್ ಪಾಲೆಚ್ಚಾರ್, ಅಂಡಾಲ ದೇವಿಪ್ರಸಾದ್ ಶೆಟ್ಟಿ, ಬಾಲಕೃಷ್ಣ ಪೂಜಾರಿ ಉಡ್ಡಂಗಳ ಇವರ ಯಕ್ಷಗಾನ ಗುರುಗಳು. ವಿದ್ವಾನ್ ವಸಂತ ಕುಮಾರ್ ಗೋಸಾಡ ಹಾಗೂ ಸುಮನಾ ರಾವ್ ಪುತ್ತೂರು ಕರ್ನಾಟಕ ಶಾಸ್ತ್ರೀಯ ಸಂಗೀತ  ಗುರುಗಳು.

ದೇವಿ ಮಹಾತ್ಮೆ, ರಂಗನಾಯಕ, ಕಟೀಲು ಕ್ಷೇತ್ರ ಮಹಾತ್ಮೆ, ಮಾನಿಷಾದ ನೆಚ್ಚಿನ ಪ್ರಸಂಗಗಳು.
ಬಲಿಪ ನಾರಾಯಣ ಭಾಗವತರು, ಪಟ್ಲ ಸತೀಶ್ ಶೆಟ್ಟಿ, ಅಂಡಾಲ ದೇವಿಪ್ರಸಾದ್ ಶೆಟ್ಟಿ, ರವಿಚಂದ್ರ ಕನ್ನಡಿಕಟ್ಟೆ, ಗಿರೀಶ್ ರೈ ಕಕ್ಕೆಪದವು ನೆಚ್ಚಿನ ಭಾಗವತರು.
ಶ್ರೀಧರ್ ಪಡ್ರೆ, ಪ್ರಶಾಂತ್ ಶೆಟ್ಟಿ ವಗೆನಾಡು, ಕೃಷ್ಣ ಪ್ರಕಾಶ್ ಉಳಿತ್ತಾಯರು, ಶ್ರೀನಿವಾಸ್ ಸೋಮಯಾಜಿ, ಸುಮಿತ್ ಆಚಾರ್ ನೆಚ್ಚಿನ ಚೆಂಡೆ ಹಾಗೂ ಮದ್ದಳೆ ವಾದಕರು.
ಅಭೇರಿ, ಹಿಂದೋಳ, ಮೋಹನ, ಶುದ್ಧಸಾವೇರಿ, ಕಲ್ಯಾಣಿ ನೆಚ್ಚಿನ ರಾಗಗಳು.



ಯಕ್ಷಗಾನದ ಇಂದಿನ ಸ್ಥಿತಿ ಗತಿ:-
ಯಕ್ಷಗಾನ ಬಹಳ ಬೆಳೆದಿದೆ, ಯಾವತ್ತು ನಮ್ಮ ಯಕ್ಷಗಾನ ಅಳಿದು ಹೋಗಲ್ಲ. ಯುವ ಸಮೂಹ ಹೆಚ್ಚು ಯಕ್ಷಗಾನಕ್ಕೆ ಒಲವು ತೋರಿಸುತ್ತ ಇದ್ದಾರೆ, ವಿಶ್ವದೆಲ್ಲೆಡೆ ಯಕ್ಷಗಾನವನ್ನು  ನಮ್ಮ ಹಿರಿಯರು ಪಸರಿಸಿದ್ದಾರೆ. ನಮ್ಮಂತಹ ಯುವ ಕಲಾವಿದರು ಅದನ್ನು ಉಳಿಸಿ ಬೆಳೆಸಬೇಕು.

ಯಕ್ಷಗಾನದ ಇಂದಿನ ಪ್ರೇಕ್ಷಕರ ಬಗ್ಗೆ ಅಭಿಪ್ರಾಯ:- ಯಕ್ಷಗಾನದ ಮೇಲೆ ಜನರಿಗೆ ಯಾವುದೇ ರೀತಿಯ ಆಸಕ್ತಿ ಕುಂದಿಲ್ಲ. ಹಿಂದಿನ ಕಾಲದ ಹಾಗೆ ಈಗಲೂ ಇದೆ. ಕಾಲಕ್ಕೆ ತಕ್ಕಂತೆ  ಬದಲಾವಣೆ ಬಯಸುತ್ತಾರೆ (ಪರಂಪರೆ ಬಿಡಬಾರದು). ಯುವ ಸಮೂಹ ಗಂಡು ಹೆಣ್ಣು ಎಂಬ ಭೇದ ಇಲ್ಲದೆ ಯಕ್ಷಗಾನದತ್ತ ಒಲವು ತೋರುತ್ತಾ ಇದ್ದಾರೆ.

ಯಕ್ಷರಂಗದಲ್ಲಿ ಮುಂದಿನ ಯೋಜನೆಗಳು:-
ಒಂದು ಒಳ್ಳೆಯ ಭಾಗವತ ಆಗಬೇಕು ಅನ್ನೋ ಅಸೆ ಗುರಿ ಇದೆ. ಯಕ್ಷಗಾನದಲ್ಲಿ ನನ್ನ ಹೆಸರು ಕೂಡ ಜನ ಗುರುತಿಸಬೇಕು ಎಂಬ ಆಸೆ ಇದೆ. ನಿಮ್ಮಂತವರ ಪ್ರೋತ್ಸಾಹ ಆಶೀರ್ವಾದದಿಂದ ಪ್ರಯತ್ನ ಮಾಡುತ್ತೇನೆ.

ನನ್ನ ಯಕ್ಷರಂಗದಲ್ಲಿ ಸದಾ ಪ್ರೋತ್ಸಾಹ ನೀಡಿ ಬೆಂಬಲಿಸಿದವರು ತಂದೆ, ತಾಯಿ, ಚೇತನ್ ರೈ (ಅಣ್ಣ), ಶಶಿ ಕುಮಾರ್ ರೈ (ತಮ್ಮ), ಕೃಷ್ಣ ಪ್ರಕಾಶ್ ಭಟ್ ಪಾಣಾಜೆ, ಸಬ್ಬಣಕೋಡಿ ರಾಮ್ ಭಟ್, ಅಂಡಾಲ ದೇವಿ ಪ್ರಸಾದ್ ಶೆಟ್ಟಿ (ಗುರುಗಳು), ದೇವಿಪ್ರಸಾದ್ ಶೆಟ್ಟಿ (ಕಟೀಲು ಮೇಳದ ಧನಿಗಳು), ಪಡ್ರೆ ಶ್ರೀಧರ್ ಅಣ್ಣ, ಬಾಲಕೃಷ್ಣ ಪೂಜಾರಿ (ನಾಟ್ಯ ಗುರುಗಳು) ಪ್ರಖ್ಯಾತ್ ಶೆಟ್ಟಿ ಅಳಿಕೆ, ಜಯರಾಮ್ ಅಡೂರು, ಚೇತನ್ ಆಚಾರ್ ಸಚ್ಚರಿಪೇಟೆ ಕಟೀಲು ಒಂದನೇ ಮೇಳದ ಪ್ರತೀ ಕಲಾವಿದರು ಹಾಗೂ ನನ್ನ ಯಕ್ಷಗಾನದ ಛಾಯಾಚಿತ್ರ ಹಾಗೂ ವಿಡಿಯೋ ಮೂಲಕ ಬೆಂಬಲ ನೀಡೋ ಧನು ಕುಂದರ್ ಅಣ್ಣ, ಸುನಿಲ್ ಅಣ್ಣ ಎಕ್ಕಾರ್, ಪ್ರದೀಪ್ ಪಾಣಾಜೆ, ಬಿ ಬಿ ಕ್ರಿಯೇಷನ್ ಪಾಣಾಜೆ ಹಾಗೂ ಪ್ರಸ್ತುತ ನನ್ನ ಬಗ್ಗೆ ಲೇಖನ ಬರೆಯುವ ನಿಮಗೆ ಹಾಗೂ ಸರ್ವರಿಗೂ ನಾನು ಚಿರಋಣಿ.

ಹಾಡುವುದು, ಕ್ರಿಕೆಟ್, ಸಂಗೀತ ಕೇಳುವುದು ಇವರ ಹವ್ಯಾಸಗಳು.

ಇವರಿಗೆ ಇವರು ನಂಬಿರುವ ಕಲಾಮಾತೆ ಹಾಗೂ ಕಟೀಲು ಶ್ರೀ ಭ್ರಮರಾಂಬೆ ಕಲೆಯಲ್ಲಿ ಇನ್ನಷ್ಟು ಸಾಧಿಸುವ ಶಕ್ತಿಯನ್ನು‌ ಕರುಣಿಸಲಿ, ಅವರಿಗೆ ಶುಭವನ್ನು ಕರುಣಿಸಲಿ ಎಂದು ಬೇಡುತ್ತಿದ್ದೇವೆ ಹಾಗೂ ಕಲಾಮಾತೆಯು ಸಕಲ ಭಾಗ್ಯಗಳನ್ನೂ ಅನುಗ್ರಹಿಸಲಿ ಎಂದು ಕಲಾಭಿಮಾನಿಗಳೆಲ್ಲರ ಪರವಾಗಿ ಹಾರೈಕೆಗಳು.

📝
ಶ್ರವಣ್ ಕಾರಂತ್ ಕೆ
ಸುಪ್ರಭಾತ
ಶಕ್ತಿನಗರ ಮಂಗಳೂರು.
☎️ :- +91 8971275651

ಪವನ್ ರೈ ಕಂಠದಲ್ಲಿ ಪದ್ಯ

Comments

Post a Comment

Popular posts from this blog

ಯಕ್ಷ ಸಾಧಕರು 355

Image
"ಯಕ್ಷ ಕಲಾದೀಪ್ತ" ಸಣ್ಣ ವಯಸ್ಸಿನಿಂದಲೂ ಯಕ್ಷಗಾನ ಎಂದರೆ ಪ್ರಾಣ. ಇವರ ತಂದೆಯವರ ಆಶಯದಂತೆ ತೀರ್ಥಹಳ್ಳಿ ಗೋಪಾಲ ಆಚಾರ್ಯರಂತಹ ಮೇರು ಕಲಾವಿದರಾಗಬೇಕೆಂಬ ಪ್ರೇರಣೆಯೊಂದಿಗೆ ಚಿಕ್ಕ ವಯಸ್ಸಿನಿಂದಲೂ ತೀರ್ಥಹಳ್ಳಿ ಗೋಪಾಲ ಆಚಾರ್ಯರನ್ನು ಅನುಸರಣೆ ಮಾಡಿಕೊಂಡು ಬಂದಿರುವ ಯುವ ಕಲಾವಿದ ದೀಪ್ತ ಆಚಾರ್ಯ ಕಿದಿಯೂರು. ಉಡುಪಿ ಜಿಲ್ಲೆಯ ಕಿದಿಯೂರಿನ ಕೆ.ಜೆ.ಗಣೇಶ್ ಆಚಾರ್ಯ ಹಾಗೂ ಜಿ.ವಸಂತಿ ಆಚಾರ್ಯ ಇವರ ಮಗನಾಗಿ 29.12.2003 ರಂದು ಜನನ. ಪ್ರಸ್ತುತ ನಿಟ್ಟೆ ಕಾಲೇಜಿನಲ್ಲಿ MBA ವ್ಯಾಸಂಗ ಮಾಡುತ್ತಿದ್ದಾರೆ. ಯಕ್ಷಗಾನ ಗುರುಗಳು:- ♦️ ಕೆ.ಜೆ.ಗಣೇಶ್, ♦️ ಕೆ.ಜೆ.ಕೃಷ್ಣ, ♦️ ಕೆ.ಜೆ.ಸುಧೀಂದ್ರ. ನೆಚ್ಚಿನ ಪ್ರಸಂಗಗಳು:- ರತ್ನಾವತಿ ಕಲ್ಯಾಣ, ಅಭಿಮನ್ಯು ಕಾಳಗ, ಬಬ್ರುವಾಹನ ಕಾಳಗ, ಜಾಂಬವತಿ ಕಲ್ಯಾಣ, ಚಕ್ರ ಚಂಡಿಕೆ, ಸುದರ್ಶನ ವಿಜಯ, ಶ್ರೀದೇವಿ ಮಹಾತ್ಮೆ. ನೆಚ್ಚಿನ ವೇಷಗಳು:- ಅಭಿಮನ್ಯು, ಬಬ್ರುವಾಹನ, ಭಸ್ಮಾಸುರ, ಬರ್ಭರೀಕ, ಭಾರ್ಗವರಾಮ. ನೆಚ್ಚಿನ ಭಾಗವತರು:- ರಸರಾಗ ಚಕ್ರವರ್ತಿ ದಿ. ಕಾಳಿಂಗ ನಾವುಡರು, ನನ್ನ ತಂದೆಯವರು, ಜನ್ಸಾಲೆ ರಾಘವೇಂದ್ರ ಆಚಾರ್ಯ, ಹೆರೆಂಜಾಲು ಗೋಪಾಲ ಗಾಣಿಗರು, ದಿ.ನಗರ ಸುಬ್ರಹ್ಮಣ್ಯ ಆಚಾರ್ಯ, ಪದ್ಯಾಣ ಗಣಪತಿ ಭಟ್, ಪಟ್ಲ ಸತೀಶ್ ಶೆಟ್ಟಿ, ರವಿಚಂದ್ರ ಕನ್ನಡಿಕಟ್ಟೆ. ರಂಗಕ್ಕೆ ಹೋಗುವ ಮೊದಲು ಪ್ರಸಂಗದ ಬಗ್ಗೆ ಯಾವ ರೀತಿಯ ತಯಾರಿ ಮಾಡಿಕೊಳ್ಳುತ್ತೀರಿ:- ವೇಷಧಾರಿಯಾಗಿ ...
Read more

ಯಕ್ಷ ಸಾಧಕರು 380

Image
"ಯಕ್ಷ ಕನ್ನಿಕೆ" ತಂದೆಯೇ ಇವರ ಯಕ್ಷ ಪಯಣಕ್ಕೆ ಪ್ರೇರಣೆ. ಜೊತೆಗೆ ಚಿಕ್ಕ ವಯಸ್ಸಿನಲ್ಲಿ ತಂದೆಯೊಂದಿಗೆ ಯಕ್ಷಗಾನ ನೋಡಲು ಹೋಗುತ್ತಿದ್ದಾಗ ಅವರಿಗೆ ಆಗುತ್ತಿದ್ದ ಅನುಭವವೂ ಇವರು ಯಕ್ಷಗಾನ ಕಲಿಯಲು ಪ್ರೇರಣೆ. ಅಜ್ಜಿ ಹೇಳುತ್ತಿದ್ದ ಪುರಾಣ ಕಥೆಗಳು ಕಣ್ಣ ಮುಂದೆ ನಡೆಯುತ್ತಿದೆಯೋ ಎನ್ನುವ ಅನುಭವ. ಕುಣಿತದ ಜ್ಞಾನ ಇಲ್ಲದಿದ್ದರೂ ಸರಳವಾದ ಮಾತು ಹಾಗೂ ಅಭಿನಯಗಳಿಂದ ಯಕ್ಷಗಾನ ಬೀರಿದ ಪರಿಣಾಮವೂ ಮುಂದೆ ಯಕ್ಷಗಾನದಲ್ಲಿ ಕಲಿಯುವ ಹುಮ್ಮಸ್ಸು ಮೂಡಿಸಿತು. ದಕ್ಷಿಣ ಕನ್ನಡ ಜಿಲ್ಲೆಯ ಮಂಗಳೂರಿನ ಉಳ್ಳಾಲ ತಾಲೂಕಿನ ಮುನ್ನೂರು ಗ್ರಾಮದ ಪ್ರಸ್ತುತ ಉಡುಪಿಯಲ್ಲಿ ನೆಲೆಸಿರುವ ನಿರಂಜನ್ ಭಟ್ ಮುನ್ನೂರು ಹಾಗೂ ಶ್ರೀಮತಿ ಸುಜಾತಾ ಬಿ ಇವರ ಮಗಳಾಗಿ 21.05.1995ರಂದು ಆದ್ಯತಾ ಎನ್ ಭಟ್ ಅವರ ಜನನ. ನಿಟ್ಟೆಯ NMAM Institute Of Technology ವಿಶ್ವವಿದ್ಯಾಲಯದಿಂದ B.E ಪದವಿ ಪಡೆದು ಪ್ರಸ್ತುತ  "Cornerstone OnDemand" ಕಂಪೆನಿಯಲ್ಲಿ Senior Software Engineer ಆಗಿ ಉದ್ಯೋಗ ಮಾಡುತ್ತಿದ್ದಾರೆ. ಯಕ್ಷಗಾನ ಗುರುಗಳು:- ತೆಂಕುತಿಟ್ಟಿನ ಗುರುಗಳು:- ತಂದೆ ನಿರಂಜನ್ ಭಟ್, ಬಾಯಾರು ಸೂರ್ಯನಾರಾಯಣ ಪದಕಣ್ಣಾಯ, ಪ್ರಸ್ತುತ ರಾಕೇಶ್ ರೈ ಅಡ್ಕ. ತೆಂಕುತಿಟ್ಟಿನ ಭಾಗವತಿಕೆ:- ರಾಮ್ ಪ್ರಕಾಶ್ ಕಲ್ಲೂರಾಯ ತೆಂಕುತಿಟ್ಟಿನ ಚೆಂಡೆ:- ಕಟೀಲು ಮುರಳೀಧರ ಭಟ್ ...
Read more

ಯಕ್ಷ ಸಾಧಕರು 395

Image
"ಯಕ್ಷ ವೈಷ್ಣವಿ" ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರು ಇವರ ಹುಟ್ಟೂರು, ಪ್ರಸ್ತುತ  ಮಂಗಳೂರಿನ ಬಜಪೆಯಲ್ಲಿ ವಾಸ. ವೃತ್ತಿಯಲ್ಲಿ ಇವರು ಸಮುದಾಯ ಆರೋಗ್ಯ ಕೇಂದ್ರ, ಮೂಡಬಿದ್ರೆಯಲ್ಲಿ ವೈದ್ಯಾಧಿಕಾರಿ ಪ್ರವೃತ್ತಿಯಲ್ಲಿ ಯಕ್ಷಗಾನ ಕಲಾವಿದೆ. ಶ್ರೀ ರಾಜೇಶ್ ಐ ಕಟೀಲು (ಗುರುಗಳು) ಹಾಗೂ ಶ್ರೀಮತಿ ಲೀಲಾವತಿ ಬೈಪಾಡಿತ್ತಾಯ (ಭಾಗವತಿಕೆ) ಇವರ ಯಕ್ಷಗಾನ ಗುರುಗಳು. ಡಾ. ನರೇಶ್ ರಾವ್ ಬಜ್ಪೆ ಹಾಗೂ ಉಷಾ ಎನ್ ರಾವ್ ಇವರ ಮಗಳಾಗಿ 10.05.2002ರಂದು ಡಾ.ಬಿ ವೈಷ್ಣವಿ ರಾವ್ ಜನನ. ಬಿ ವೈಭವಿ ರಾವ್ (2nd year BAMS, SDM Udyavara) ಇವರ ತಂಗಿಯೂ ಯಕ್ಷಗಾನ ಕಲಾವಿದೆ. ಬಾಲ್ಯದಲ್ಲಿ ಯಕ್ಷಗಾನವನ್ನೇ ನೋಡಿ ಯಕ್ಷಗಾನದ ಮೇಲಿನ ಒಲವು ಹೆಚ್ಚಾಯಿತು. ಬೇಸಿಗೆ ರಜೆಯಲ್ಲಿ ಬೆಳಿಗ್ಗೆ ಯಕ್ಷಗಾನ ಕ್ಯಾಸ್ಸೇಟ್ಟ್ ಗಳನ್ನು ಹಾಕಿದರೆ ಇಡೀ ದಿನ ಅದನ್ನೇ ನೋಡಿ ಬೇಸಿಗೆ ರಜೆಯನ್ನು ಕಳೆಯುತ್ತಿದ್ದೆ. ಮೇಳ ಹೊರಟ ಮೇಲೆ ಅಪ್ಪನೊಂದಿಗೆ ಎಲ್ಲ ಯಕ್ಷಗಾನ ಬಯಲಾಟಕ್ಕೆ ಹೋಗ್ತಿದ್ದೆ. ನನ್ನ ಪಿಜ್ಜಿ ಹರಿಕಥಾ ವಿದುಷಿ, ಹಾಗಾಗಿ ಅಮ್ಮನಿಗೂ ಅವ್ರು ಹೇಳಿದ ಪುರಾಣ ಕಥೆಗಳನ್ನು ನನಗೆ ಹೇಳುವುದು, ಹೊಸ ಕಥೆಗಳನ್ನೂ ಓದುವುದು ಅಚ್ಚು ಮೆಚ್ಚು. ಇದೆಲ್ಲವು ನನ್ನನ್ನು ಯಕ್ಷಗಾನ ಕಲೆಯತ್ತ ಸೆಳೆಯಿತು ಎಂದು ಹೇಳುತ್ತಾರೆ ವೈಷ್ಣವಿ. ನೆಚ್ಚಿನ ಪ್ರಸಂಗಗಳು:- ಶ್ರೀ ದೇವೀಮಹಾತ್ಮೆ, ಶ್ರೀ ರಾಮ ನಿರ್ಯಾಣ, ಶ್ರೀ ರಾಮ ಪಟ್ಟಾಭಿಶೇಕ, ಉತ್ತರನ ಪೌ...
Read more