ಯಕ್ಷ ಸಾಧಕರು 305

"ಯಕ್ಷಕಲಾಪ್ರೇಮದ ಯುಗಳ ತಿಟ್ಟಿನ ಪ್ರತಿಭೆ"

ಯಕ್ಷಗಾನ ಗಂಡು ಮೆಟ್ಟಿದ ಕಲೆ ಎಂದು ಲಾಗಾಯ್ತಿನಿಂದಲೂ ಕರೆಸಿಕೊಂಡು ಮೆರೆದ ಕಮನೀಯ ಕಲೆ. ಇದರಲ್ಲಿ ಹೆಂಗಳೆಯರು ಎಲ್ಲ ಅಡೆತಡೆಗಳನ್ನೂ ಮೆಟ್ಟಿನಿಂತು ಗಂಡಸರಿಗೆ ಸಮದಂಡಿಯಾಗಿ ಬೆಳೆದಿದ್ದಾರೆ. ತೆಂಕು-ಬಡಗು ತಿಟ್ಟುಗಳೆಂಬ ಭೇದವಿಲ್ಲದೆ, ಸರ್ವಾಂಗ ಸುಂದರವಾದ ಸಮಷ್ಟಿ ಕಲೆ, ಯಕ್ಷಗಾನದ ಎಲ್ಲ ವಿಭಾಗಗಳಲ್ಲೂ ಮಹಿಳೆಯರು ಮಿಂಚುತ್ತಿದ್ದಾರೆ. ತೆಂಕು-ಬಡಗು ತಿಟ್ಟುಗಳೆಂಬ ಭೇದವಿಲ್ಲದೆ ಯಕ್ಷಗಾನ ರಂಗದಲ್ಲಿ ತಮ್ಮ   ಪ್ರತಿಭೆಯ ಮೂಲಕ ಮಿಂಚುತ್ತಿರುವ ಕಲಾವಿದೆ ಪ್ರೇಮಾ ಹೆಗಡೆ.


22.05.1974ರಂದು ಪರಮೇಶ್ವರ ಹೆಗಡೆ ಹಾಗೂ ರೇಣುಕಾ ಹೆಗಡೆ ಇವರ ಮಗಳಾಗಿ ಜನಸಿದ ಇವರು ಬಿ.ಕಾಂ ಹಾಗೂ ಭರತನಾಟ್ಯದಲ್ಲಿ ವಿದ್ವತ್ ಪದವಿಯನ್ನು ಪಡೆದಿರುತ್ತಾರೆ. ಕೆರೆಮನೆ ಶ್ರೀ ಶಂಭು ಹೆಗಡೆಯವರು ಹಾಗೂ ಶ್ರೀ ಚಿಟ್ಟಾಣಿ ರಾಮಚಂದ್ರ ಹೆಗಡೆಯವರು ಅವರ ವೇಷಗಳನ್ನು ನೋಡಿ ಯಕ್ಷಗಾನ ರಂಗಕ್ಕೆ ಬರಲು ಪ್ರೇರಣೆಯಾಯಿತು ಎಂದು ಹೇಳುತ್ತಾರೆ ಪ್ರೇಮಾ.
              
ಯಕ್ಷಗಾನ ಗುರುಗಳು:-
ಶ್ರೀಮತಿ ಆರತಿ ಪಟ್ರಮೆ (ತೆಂಕುತಿಟ್ಟು)
ಶ್ರೀ ವೆಂಕಟ್ರಮಣ ಭಟ್ ಗುಡ್ಡೇಮನೆ (ಬಡಗು)
ಶ್ರೀ ಉಮೇಶ ಹೆಗಡೆ ಹೊಂಕಣಕೇರಿ (ಬಡಗು)

ಗದಾಯುದ್ಧ, ಗೀತಾನುಸಂಧಾನ ನೆಚ್ಚಿನ ಪ್ರಸಂಗಗಳು. ಈಶ್ವರ, ವಿಷ್ಣು, ಕೃಷ್ಣ, ಭಸ್ಮಾಸುರ, ಕಂಸ, ಮೋಹಿನಿ ನೆಚ್ಚಿನ ವೇಷಗಳು.





ರಂಗಕ್ಕೆ ಹೋಗುವ ಮೊದಲು ಇಡೀ ಪ್ರಸಂಗದ ಬಗ್ಗೆ ತಿಳಿದುಕೊಳ್ಳುವುದರ ಜೊತೆಗೆ ನನ್ನ ಪಾತ್ರದ ಬಗ್ಗೆ ಹೆಚ್ಚಿನ ಅಧ್ಯಯನವನ್ನು ಮಾಡಿ ಪುಸ್ತಕಗಳನ್ನು ಓದಿ ತಯಾರಿ ಮಾಡಿಕೊಳ್ಳುತ್ತೇನೆ.

ಯಕ್ಷಗಾನದ ಇಂದಿನ ಪ್ರೇಕ್ಷಕರ ಬಗ್ಗೆ ಅಭಿಪ್ರಾಯ:-
ಒಳ್ಳೆಯ ಪೌರಾಣಿಕ ಪ್ರಸಂಗಗಳನ್ನು ಮಾಡಿದರೆ ಇಂದಿಗೂ ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಆಸ್ವಾದಿಸುವ ಪ್ರೇಕ್ಷಕರಿದ್ದಾರೆ.

ಸುದರ್ಶನ ಯಕ್ಷಕಲಾ ಬಳಗ, ಯಕ್ಷಸುರಭಿ, ಯಕ್ಷದೀವಿಗೆ, ಯಕ್ಷಗೆಜ್ಜೆ ತಂಡಲ್ಲಿ ಭಾಗವಹಿಸಿ ವೇಷವನ್ನು ಮಾಡಿದ ಅನುಭವ ಪ್ರೇಮಾ ಹೆಗಡೆಯವರದು.
ಪುಸ್ತಕಗಳನ್ನು ಓದುವುದು, ಪೇಂಟಿಂಗ್, ಕಸೂತಿ ಮತ್ತು ಕರಕುಶಲ ವಸ್ತುಗಳನ್ನು ತಯಾರಿಸುವುದು ಇವರ ಹವ್ಯಾಸಗಳು.






ಪ್ರೇಮಾ ಹೆಗಡೆ ಅವರು 17.02.1997ರಂದು ಮಹಾಬಲೇಶ್ವರ ಹೆಗಡೆ (ಖಾಸಗಿ ಕಂಪನಿಯಲ್ಲಿ ಡೈರೆಕ್ಟರ್) ಅವರನ್ನು ಮದುವೆಯಾಗಿ ಮಗ ಸಂಜಯ್ ಹೆಗಡೆ Senior software engineer ಆಗಿ ಕೆಲಸ ಮಾಡಿ ಪ್ರಸ್ತುತ MBA ವ್ಯಾಸಂಗ ಮಾಡುತ್ತಿದ್ದಾರೆ.

ತಂದೆ ತಾಯಿ ಪತಿಯ ಪ್ರೋತ್ಸಾಹ ಹಾಗೂ ಗುರು-ಹಿರಿಯ ಕಲಾವಿದರ ಮಾರ್ಗದರ್ಶನದಿಂದ ಯಕ್ಷಗಾನ ರಂಗದಲ್ಲಿ ಮುನ್ನಡೆಯಲು ಪ್ರಯತ್ನಿಸುತ್ತಿದ್ದೇನೆ ಎಂದು ಹೇಳುತ್ತಾರೆ ಪ್ರೇಮಾ ಹೆಗಡೆ.

ಇವರಿಗೆ ಇವರು ನಂಬಿರುವ ಕಲಾಮಾತೆ ಹಾಗೂ ಕಟೀಲು ಶ್ರೀ ಭ್ರಮರಾಂಬೆ ಕಲೆಯಲ್ಲಿ ಇನ್ನಷ್ಟು ಸಾಧಿಸುವ ಶಕ್ತಿಯನ್ನು‌ ಕರುಣಿಸಲಿ, ಅವರಿಗೆ ಶುಭವನ್ನು ಕರುಣಿಸಲಿ ಎಂದು ಬೇಡುತ್ತಿದ್ದೇವೆ ಹಾಗೂ ಕಲಾಮಾತೆಯು ಸಕಲ ಭಾಗ್ಯಗಳನ್ನೂ ಅನುಗ್ರಹಿಸಲಿ ಎಂದು ಕಲಾಭಿಮಾನಿಗಳೆಲ್ಲರ ಪರವಾಗಿ ಹಾರೈಕೆಗಳು.

📝
ಶ್ರವಣ್ ಕಾರಂತ್ ಕೆ
ಸುಪ್ರಭಾತ
ಶಕ್ತಿನಗರ ಮಂಗಳೂರು.
☎️ :- +91 8971275651

Comments

Post a Comment

Popular posts from this blog

ಯಕ್ಷ ಸಾಧಕರು 355

Image
"ಯಕ್ಷ ಕಲಾದೀಪ್ತ" ಸಣ್ಣ ವಯಸ್ಸಿನಿಂದಲೂ ಯಕ್ಷಗಾನ ಎಂದರೆ ಪ್ರಾಣ. ಇವರ ತಂದೆಯವರ ಆಶಯದಂತೆ ತೀರ್ಥಹಳ್ಳಿ ಗೋಪಾಲ ಆಚಾರ್ಯರಂತಹ ಮೇರು ಕಲಾವಿದರಾಗಬೇಕೆಂಬ ಪ್ರೇರಣೆಯೊಂದಿಗೆ ಚಿಕ್ಕ ವಯಸ್ಸಿನಿಂದಲೂ ತೀರ್ಥಹಳ್ಳಿ ಗೋಪಾಲ ಆಚಾರ್ಯರನ್ನು ಅನುಸರಣೆ ಮಾಡಿಕೊಂಡು ಬಂದಿರುವ ಯುವ ಕಲಾವಿದ ದೀಪ್ತ ಆಚಾರ್ಯ ಕಿದಿಯೂರು. ಉಡುಪಿ ಜಿಲ್ಲೆಯ ಕಿದಿಯೂರಿನ ಕೆ.ಜೆ.ಗಣೇಶ್ ಆಚಾರ್ಯ ಹಾಗೂ ಜಿ.ವಸಂತಿ ಆಚಾರ್ಯ ಇವರ ಮಗನಾಗಿ 29.12.2003 ರಂದು ಜನನ. ಪ್ರಸ್ತುತ ನಿಟ್ಟೆ ಕಾಲೇಜಿನಲ್ಲಿ MBA ವ್ಯಾಸಂಗ ಮಾಡುತ್ತಿದ್ದಾರೆ. ಯಕ್ಷಗಾನ ಗುರುಗಳು:- ♦️ ಕೆ.ಜೆ.ಗಣೇಶ್, ♦️ ಕೆ.ಜೆ.ಕೃಷ್ಣ, ♦️ ಕೆ.ಜೆ.ಸುಧೀಂದ್ರ. ನೆಚ್ಚಿನ ಪ್ರಸಂಗಗಳು:- ರತ್ನಾವತಿ ಕಲ್ಯಾಣ, ಅಭಿಮನ್ಯು ಕಾಳಗ, ಬಬ್ರುವಾಹನ ಕಾಳಗ, ಜಾಂಬವತಿ ಕಲ್ಯಾಣ, ಚಕ್ರ ಚಂಡಿಕೆ, ಸುದರ್ಶನ ವಿಜಯ, ಶ್ರೀದೇವಿ ಮಹಾತ್ಮೆ. ನೆಚ್ಚಿನ ವೇಷಗಳು:- ಅಭಿಮನ್ಯು, ಬಬ್ರುವಾಹನ, ಭಸ್ಮಾಸುರ, ಬರ್ಭರೀಕ, ಭಾರ್ಗವರಾಮ. ನೆಚ್ಚಿನ ಭಾಗವತರು:- ರಸರಾಗ ಚಕ್ರವರ್ತಿ ದಿ. ಕಾಳಿಂಗ ನಾವುಡರು, ನನ್ನ ತಂದೆಯವರು, ಜನ್ಸಾಲೆ ರಾಘವೇಂದ್ರ ಆಚಾರ್ಯ, ಹೆರೆಂಜಾಲು ಗೋಪಾಲ ಗಾಣಿಗರು, ದಿ.ನಗರ ಸುಬ್ರಹ್ಮಣ್ಯ ಆಚಾರ್ಯ, ಪದ್ಯಾಣ ಗಣಪತಿ ಭಟ್, ಪಟ್ಲ ಸತೀಶ್ ಶೆಟ್ಟಿ, ರವಿಚಂದ್ರ ಕನ್ನಡಿಕಟ್ಟೆ. ರಂಗಕ್ಕೆ ಹೋಗುವ ಮೊದಲು ಪ್ರಸಂಗದ ಬಗ್ಗೆ ಯಾವ ರೀತಿಯ ತಯಾರಿ ಮಾಡಿಕೊಳ್ಳುತ್ತೀರಿ:- ವೇಷಧಾರಿಯಾಗಿ ...
Read more

ಯಕ್ಷ ಸಾಧಕರು 380

Image
"ಯಕ್ಷ ಕನ್ನಿಕೆ" ತಂದೆಯೇ ಇವರ ಯಕ್ಷ ಪಯಣಕ್ಕೆ ಪ್ರೇರಣೆ. ಜೊತೆಗೆ ಚಿಕ್ಕ ವಯಸ್ಸಿನಲ್ಲಿ ತಂದೆಯೊಂದಿಗೆ ಯಕ್ಷಗಾನ ನೋಡಲು ಹೋಗುತ್ತಿದ್ದಾಗ ಅವರಿಗೆ ಆಗುತ್ತಿದ್ದ ಅನುಭವವೂ ಇವರು ಯಕ್ಷಗಾನ ಕಲಿಯಲು ಪ್ರೇರಣೆ. ಅಜ್ಜಿ ಹೇಳುತ್ತಿದ್ದ ಪುರಾಣ ಕಥೆಗಳು ಕಣ್ಣ ಮುಂದೆ ನಡೆಯುತ್ತಿದೆಯೋ ಎನ್ನುವ ಅನುಭವ. ಕುಣಿತದ ಜ್ಞಾನ ಇಲ್ಲದಿದ್ದರೂ ಸರಳವಾದ ಮಾತು ಹಾಗೂ ಅಭಿನಯಗಳಿಂದ ಯಕ್ಷಗಾನ ಬೀರಿದ ಪರಿಣಾಮವೂ ಮುಂದೆ ಯಕ್ಷಗಾನದಲ್ಲಿ ಕಲಿಯುವ ಹುಮ್ಮಸ್ಸು ಮೂಡಿಸಿತು. ದಕ್ಷಿಣ ಕನ್ನಡ ಜಿಲ್ಲೆಯ ಮಂಗಳೂರಿನ ಉಳ್ಳಾಲ ತಾಲೂಕಿನ ಮುನ್ನೂರು ಗ್ರಾಮದ ಪ್ರಸ್ತುತ ಉಡುಪಿಯಲ್ಲಿ ನೆಲೆಸಿರುವ ನಿರಂಜನ್ ಭಟ್ ಮುನ್ನೂರು ಹಾಗೂ ಶ್ರೀಮತಿ ಸುಜಾತಾ ಬಿ ಇವರ ಮಗಳಾಗಿ 21.05.1995ರಂದು ಆದ್ಯತಾ ಎನ್ ಭಟ್ ಅವರ ಜನನ. ನಿಟ್ಟೆಯ NMAM Institute Of Technology ವಿಶ್ವವಿದ್ಯಾಲಯದಿಂದ B.E ಪದವಿ ಪಡೆದು ಪ್ರಸ್ತುತ  "Cornerstone OnDemand" ಕಂಪೆನಿಯಲ್ಲಿ Senior Software Engineer ಆಗಿ ಉದ್ಯೋಗ ಮಾಡುತ್ತಿದ್ದಾರೆ. ಯಕ್ಷಗಾನ ಗುರುಗಳು:- ತೆಂಕುತಿಟ್ಟಿನ ಗುರುಗಳು:- ತಂದೆ ನಿರಂಜನ್ ಭಟ್, ಬಾಯಾರು ಸೂರ್ಯನಾರಾಯಣ ಪದಕಣ್ಣಾಯ, ಪ್ರಸ್ತುತ ರಾಕೇಶ್ ರೈ ಅಡ್ಕ. ತೆಂಕುತಿಟ್ಟಿನ ಭಾಗವತಿಕೆ:- ರಾಮ್ ಪ್ರಕಾಶ್ ಕಲ್ಲೂರಾಯ ತೆಂಕುತಿಟ್ಟಿನ ಚೆಂಡೆ:- ಕಟೀಲು ಮುರಳೀಧರ ಭಟ್ ...
Read more

ಯಕ್ಷ ಸಾಧಕರು 395

Image
"ಯಕ್ಷ ವೈಷ್ಣವಿ" ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರು ಇವರ ಹುಟ್ಟೂರು, ಪ್ರಸ್ತುತ  ಮಂಗಳೂರಿನ ಬಜಪೆಯಲ್ಲಿ ವಾಸ. ವೃತ್ತಿಯಲ್ಲಿ ಇವರು ಸಮುದಾಯ ಆರೋಗ್ಯ ಕೇಂದ್ರ, ಮೂಡಬಿದ್ರೆಯಲ್ಲಿ ವೈದ್ಯಾಧಿಕಾರಿ ಪ್ರವೃತ್ತಿಯಲ್ಲಿ ಯಕ್ಷಗಾನ ಕಲಾವಿದೆ. ಶ್ರೀ ರಾಜೇಶ್ ಐ ಕಟೀಲು (ಗುರುಗಳು) ಹಾಗೂ ಶ್ರೀಮತಿ ಲೀಲಾವತಿ ಬೈಪಾಡಿತ್ತಾಯ (ಭಾಗವತಿಕೆ) ಇವರ ಯಕ್ಷಗಾನ ಗುರುಗಳು. ಡಾ. ನರೇಶ್ ರಾವ್ ಬಜ್ಪೆ ಹಾಗೂ ಉಷಾ ಎನ್ ರಾವ್ ಇವರ ಮಗಳಾಗಿ 10.05.2002ರಂದು ಡಾ.ಬಿ ವೈಷ್ಣವಿ ರಾವ್ ಜನನ. ಬಿ ವೈಭವಿ ರಾವ್ (2nd year BAMS, SDM Udyavara) ಇವರ ತಂಗಿಯೂ ಯಕ್ಷಗಾನ ಕಲಾವಿದೆ. ಬಾಲ್ಯದಲ್ಲಿ ಯಕ್ಷಗಾನವನ್ನೇ ನೋಡಿ ಯಕ್ಷಗಾನದ ಮೇಲಿನ ಒಲವು ಹೆಚ್ಚಾಯಿತು. ಬೇಸಿಗೆ ರಜೆಯಲ್ಲಿ ಬೆಳಿಗ್ಗೆ ಯಕ್ಷಗಾನ ಕ್ಯಾಸ್ಸೇಟ್ಟ್ ಗಳನ್ನು ಹಾಕಿದರೆ ಇಡೀ ದಿನ ಅದನ್ನೇ ನೋಡಿ ಬೇಸಿಗೆ ರಜೆಯನ್ನು ಕಳೆಯುತ್ತಿದ್ದೆ. ಮೇಳ ಹೊರಟ ಮೇಲೆ ಅಪ್ಪನೊಂದಿಗೆ ಎಲ್ಲ ಯಕ್ಷಗಾನ ಬಯಲಾಟಕ್ಕೆ ಹೋಗ್ತಿದ್ದೆ. ನನ್ನ ಪಿಜ್ಜಿ ಹರಿಕಥಾ ವಿದುಷಿ, ಹಾಗಾಗಿ ಅಮ್ಮನಿಗೂ ಅವ್ರು ಹೇಳಿದ ಪುರಾಣ ಕಥೆಗಳನ್ನು ನನಗೆ ಹೇಳುವುದು, ಹೊಸ ಕಥೆಗಳನ್ನೂ ಓದುವುದು ಅಚ್ಚು ಮೆಚ್ಚು. ಇದೆಲ್ಲವು ನನ್ನನ್ನು ಯಕ್ಷಗಾನ ಕಲೆಯತ್ತ ಸೆಳೆಯಿತು ಎಂದು ಹೇಳುತ್ತಾರೆ ವೈಷ್ಣವಿ. ನೆಚ್ಚಿನ ಪ್ರಸಂಗಗಳು:- ಶ್ರೀ ದೇವೀಮಹಾತ್ಮೆ, ಶ್ರೀ ರಾಮ ನಿರ್ಯಾಣ, ಶ್ರೀ ರಾಮ ಪಟ್ಟಾಭಿಶೇಕ, ಉತ್ತರನ ಪೌ...
Read more